भवन शिलान्यास तथा सडक दुर्घटना न्यूनिकरणका लागि १५ दिने महाअभियानको शुभारम्भ

 राजेश कुमार शर्मा। १ नम्बर प्रदेश सरकारबाट बिनियोजित बजेटबाट निर्माण हुने जिल्ला ट्राफिक प्रहरी कार्यालय झापाको सुबिधा सम्पन्न नयाँ भवनको शिलान्यास भएको छ । नयाँ निर्माण हुन लागेको कार्यालय भवनको संगठन प्रमुख प्रहरी महानिरीक्षक सर्वेन्द्र खनालले आज एक कार्यक्रमका बिच शिलालेख अनावरण गरि बिधिवत रुपमा शिलान्यास गर्नु भएको हो । बिर्तामोड नगरपालिका-३ स्थित निर्माण हुन लागेको नयाँ भवनको लागि बिर्तामोड नगरपालिकाले ६ कठ्ठा जग्गा उपलब्ध गराएको थियो । साथै सोही अवसरमा समुदाय-प्रहरी साझेदारी कार्यक्रम अन्तर्गत सडक दुर्घटना न्यूनिकरणको लागि १५ दिने महाअभियानको समेत शुभारम्भ भएको छ ।

उक्त कार्यक्रमको संगठन प्रमुख प्रहरी महानिरीक्षक सर्वेन्द्र खनालले एक समारोहका विच पानसमा बत्ति बालेर उद्घाटन गर्नु भएको हो । १ नम्बर प्रदेश प्रहरी प्रमुख प्रहरी नायब महानिरीक्षक केदार रिजालको अगुवाईमा १ नम्बर प्रदेश अन्तर्गतका १४ वटै जिल्लामा सवारी साधन र परिचालकहरुलाई आफ्नो पेशा प्रति उत्तरदायी बनाई सडक सुशासन कायमको लागि १५ दिने महाअभियान कार्यक्रमको आयोजना गरिएको हो । बिर्तामोड नगरपालिका-५ मुक्ती चोकमामा आयोजना गरिएको उक्त कार्यक्रम अन्तर्गत प्रभातफेरी समेत गरिएको थियो ।

कार्यक्रममा बिभिन्न संस्थाहरुद्वारा ट्राफिक प्रहरीलाई मोटरसाईकल-१० थान, ब्रेथलाईजर-१० थान, व्हील लक-१० थान र चालक/ परिचालकको लागि ७ सय थान पोशाक समेत हस्तान्तरण गरिएको छ । कार्यक्रममा प्रमुख अतिथी लगायत प्रहरी प्रधान कार्यालय राजमार्ग सुरक्षा तथा ट्राफिक निर्देशनालय प्रमुख प्रहरी नायब महानिरीक्षक पूर्णचन्द्र जोशी, बिभिन्न संघ-संस्थाका पदाधिकारी, स्थानीय बिद्यालयका शिक्षक, बिद्यार्थी, सवारी चालक, सह-चालक, संचारकर्मी, सामुदायिक सेवा केन्द्रका पदाधिकारी र स्थानीय सहित अन्दाजी १ हजार भन्दा बढिको उपस्थिती रहेको थियो ।

- Advertisement -

Leave a Reply

%d bloggers like this: