वीरगन्ज,३ बैशाख/
सरकारले कोरोना भाइरस कोभिड–१९ को संक्रमण फैल्न नदिनका लागी गरेको लकडाउनमा प्रभावित परीवारलाई सरकारले राहत वितरण गरीरहेको छ । गएको चैत ११ देखी सूरु भएर बैशाख १५ गतेसम्मका लागी तोकिएको लकडाउनबाट प्रभावित परीवारलाई राहत वितरणको जिम्मा स्थानीयतहलाई दिएपछि लापरावाही भएको फेला परेको छ ।
बाराको परवानीपुर गाँउपालिकाको अधिकांश वडामा लकडाउनमा प्रभावित परीवारलाई लापरावाही गरेर राहत वितरण भएको पाईएको छ ।
सरकारको मापदण्ड अनुसार आर्थिक अवस्था कमजोर भएका अतिविपन्न ,दलित र दैनिक ज्यालादारीमा राहत वितरण गर्नेका लागी भनिएपनि गाँउपालिकाको वडानम्बर ३ मा लिपनीमालमा मापदण्ड विपरीत राहत वितरण भएको स्थानीयबासीले बताएका छन ।
गाँउपालिका अध्यक्ष हरीनारायण साह र वडाअध्यक्ष अनिल रामको निर्देशनमा गाँउमा रहेका ९० प्रतिशत परीवारले राहत पाएको स्थानीयबासीको भनाई छ ।गाँउपालिकाको वडा नम्बर ३ लिपनीमालमा निर्वाचन आयोगको तथ्यांकअनुसार ५ सय ७४ घरधुरी रहेको छ । जसमा ५ सय १४ घरधुरीले लकडाउनबाट प्रभावित परीवारको रुपमा राहत पाएका छन ।
राहत वितरणको जिम्मा पार्टीका कार्यकर्तालाई
राजपा नेपालबाट निर्वाचित गाँउपालिका अध्यक्ष हरीनारायण साह र वडा नम्बर ३ का वडाअध्यक्ष अनिल रामले लकडाउनबाट प्रभावित परीवारलाई राहत वितरणका लागी खाद्यान्न समाग्री खरीद र वितरणको जिम्मा आफ्ना पार्टीका कार्यकर्तालाई दिएका छन ।
सरकारले उपलब्ध गराएको राहत वितरणको जिम्मा पार्टीका कार्यकर्ता मुकेश रौनीयार र विनेश रामले पाएका छन । गाँउपालिका अध्यक्ष साहका अनुसार पार्टीका कार्यकर्ता तयार रहेकाले अरुलाई राहत समाग्रीको खाद्यान्न उपलब्धमा हस्तक्षेप नगर्ने बताएका छन । राजपा पार्टीका अग्रज नेताको ईसारामा गाँउपालिका अध्यक्ष साह र वडाअध्यक्ष रामले रौनीयार र रामलाई राहत वितरणको जिम्मेवारी दिएको स्थानीयबासीले आरोप लगाएका छन ।
राहत वितरणका लागी खाद्यान्न उपलब्ध गराउन जिम्मेवारी पाएका रौनीयार परवानीपुर बजारमा आलु ,पियाज बिक्रि वितरण गर्ने व्यवसायी हुन । भने ,अर्को राम सहकारी बंंैकका लागी दैनिक रकम उठाउने काम गर्ने व्यतिm हुन । उनीहरु राजपाका कार्यकर्ता भएका हैसियतले पार्टीका अग्रज नेताको निर्देशनमा आर्थिक लाभ हुने भएपछि जिम्मेवारी दिएर राहतको खाद्यान्न समाग्री खरीद गर्ने जिम्मेवारी दिईएको स्थानीयबासीको आरोप रहेको छ ।
राहत वितरणमा लकडाउन उलल्घन
परवानीपुर गाँउपालिका ३ लिपनीमालमा मंगलबारबाट सुरु भएको राहत वितरण लकडाउन उलल्घन हुन थालेको पाईएको छ । परवानीपुर बजारमा रहेका श्री भोज भगत माविको परीसरमा सुरु भएको राहत वितरणमा लकडाउनको उलल्घन भएको पाईएको छ । लकडाउन अवधीमा समाजिक दुरी कायम गरेर राहत वितरण गर्ने निर्देशन भएपनि लकडाउनको धज्जी उडाएर राहत वितरण भईरहेको छ । वडानम्बर ३ लिपनीमालमा रहेका यादव ,सोनार ,मुस्लिम , डोम , चमार , कानु , रौनीयार लगायतका जातीले बसोबास गरेका छन । सरकारले पठाएको बजेट सकाउनका लागी पक्की घर भएका , जागीर भएका , पार्टीका कार्यकर्ता भएका अधिकांश परीवारले लकडाउन प्रभावित परीवाको रुपमा राहत पाएको स्थानीयबासीले बताएका छन ।
खाद्यान्न समाग्रीमा आर्थिक हिनामिना हुने आशंका
पार्टीका कार्यकर्ताले खाद्यान्न समाग्री उपलब्धको जिम्मेवारी पाएपछि आर्थिक रकम हिनामिना हुने आशंका स्थानीयबासीले गरेका छन । राहत वितरणको जिम्मेवारी टेण्डर गरेर दिन सरकारले निर्देशन दिएपनि गाँउपालिका अध्यक्ष साहले आफ्ना पार्टीका कार्यकर्तालाई जिम्मा दिएपछि आर्थिक चलखेन हुने आशंका भएको स्थानीयबासीको आरोप छ । बिना टन्डर गाँउपालिका अध्यक्ष साह र वडाअध्यक्ष रामले पार्टीका कार्यकर्तालाई जिम्मेवारी दिएपछि आर्थिक लाभ हुदाँ हिसा लिन सहज हुने देखिएपछि जिम्मेवारी दिएको आरोप स्थानीयबासीको छ ।
