प्रहरीको कुटाईबाट एक थुनुवाको मृत्यु भएको आरोप
उदय तिवारी, रौतहट ।
गरुडा नगरपालिका ८ जिंगडियाका २० बर्षिय निरञ्जन राम चमारको हत्याको आरोपमा पक्राउ परेका सोही ठाँउका १९ बर्षिय बिजयराम चमारको मृत्युु भएको हो । बिजयराम चमारको उपचारको क्रममा बिरगंज स्थित नेशनल मेडिकल कलेजमा गएराती साढे १२ बजे मृत्युु भएको जिल्ला प्रहरी प्रवक्ता डिएसपी भरत श्रेष्ठले पुुष्टी गरेका छन ।
प्रहरीले अनुसंधानको क्रममा सोही ठाँउका २० बर्षिय अजयकुमार रंजन,१९ का बिवेक यादव,१९ का अर्जुुन राम,१९ का सिकिन्द्र राम,१९ का बिजयराम चमार,शेख आजाद सहीत ७ जनालाई पक्राउ गरेको थियो ।
उता सार्वजनिक भएको भोलीपल्ट देखी नै बिजयका परिवार तथा दलित संघर्ष समिति रौतहटले चरणबद्ध रुपले गरुडा प्रहरीको बिरोधमा प्रदर्शन तथा आन्दोलन गर्दैआएका छन ।
जिल्ला प्रहरी प्रवक्ता डिएसपी भरत श्रेष्ठले पनिलाल रामको ओरोपको खण्डन गर्दै बिजयराम ईलाका प्रहरी कार्यालय गरुडाको हिरासतमा हुँदा पिसाबमा समस्या देखिएपछी उनलाई स्थानिय अनामिका अस्पतालमा उपचारका लागी भर्ना गरेको बताए ।
अनामिका अस्पतालमा उपचारको क्रममा बिजयरामको किडनी संबन्धी खराबी देखिएकाले डाक्टरको सलाह अनुसार दुुईदिन अघि थप उपचारको लागी नेशनल मेडिकल अस्पताल बिरगंज रेफर गरीएको थियो ।