नेपालमा कोरोना संक्रमित संख्या ५ पुग्याे, बिराटनगरकाे १५ रानी बाट ३ जना क्वारेन्टाईनकाे निगरानीमा

पवन साह, बिराटनगर
शुक्रबार पुष्टि भएको नेपालको चौथो कोरोना संक्रमित कैलालीको धनगढीका ३४ वर्षीय व्यक्तिसंगै दुबईबाट आएका विराटनगर १५ का एक परिवारमा कोरोनाको लक्षण देखिएको विराटनगर माहानगरपालिकाले जनाएको छ ।

दुबईबाट दिल्ली हुँदै चैत ७ गते आएका युवामा कोरोनाको संक्रमण देखिएपछि उनीसँगै आएका तीन युवालाई र उनको परिवारका अन्य ३ जनालाई विराटनगर १९ स्थित बैजनाथपुरमा रहेको क्वारेन्टाइनमा राखिएको छ । ती व्यक्तिमा कोरोनाको लक्षण नदेखिएपनि परिवारका अन्य तीन सदस्यमा ज्वरो तथा फिभर देखिएकोले सबैलाई क्वारेन्टाइनमा पठाइएको माहानगरपालिकाको जनस्वास्थ्य माहाशाखाका जनस्वास्थ्य निरीक्षक दिलिपकुमार यादवले जानकारी दिनुभयो ।

स्वास्थ्य निरीक्षक यादवको भनाइ अनुसार वडा नम्बर १५ को ३५/४० को उमेरको युवा विदेशबाट आएपछि जुन प्लेनबाट आउनु भयो त्यही प्लेनमा भएको कारण शंकास्पद भयो । घरमा आएपनि उहाँ आनन्दले हिंड्नुभयो । उहाँमा कुनै लक्षण नभएपनि उहाँको घर परिवारमा भाइरल फिभर देखियो । कतिपय लक्षणहरु कोरोनाजस्तो देखिन्छ । उहाँमा केही छैन तर, तीन जनामा संक्रमणको लक्षण देखियो । अनि हामीले उहाँ र परिवारका सदस्यहरुलाई बैजनाथपुरस्थित क्वारेन्टाइनमा पठाएका छौं । उहाँसहित ४ जना । उहाँ आएपछि कतिजनासँग भेटघाट गर्नुभयो, काहाँ काहाँ जानुभयो भन्ने विषयमा हामीले खोजी गरिरहेका छौं । उहाँबाट संक्रमण फैलिएको हुनसक्छ । उहाँको स्वास्थ्य जाँचका लागि स्वाब परीक्षण लिएर पठाइएको छ ।
दुबईबाट दिल्ली हुँदै आएका धनगढीका ३४ वर्षीय युवा काठमाडौंबाट बुद्ध एयरमा नेपालगञ्ज र बसमा धनगढी पुगेकोमा उनमा कोरोना भएको शुक्रबार पुष्टि भएको थियो । उनको सेती प्रादेशिक अस्पताल धनगढीमा उपचार भइरहेको छ । त्यसैगरी चैत्र १५ गते आज फेरि अर्का एकजनामा कोरोना संक्रमण भेटिएको छ । आज पून एक जनामा संक्रमण देखिएपछि नेपालमा कोरोना संक्रमण पाँच पुगेको हो ।

स्वास्थ्य मन्त्रालयले पत्रकार सम्मेलन मार्फत अर्का एक जनाको नमूना परीक्षण पोजेटिभ देखिएको जनाएको हो ।

बेल्जियमबाट कतार हुँदै काठमाण्डौं आएकी बागलुङ निवासी १९ वर्षीया युवतीमा कोरोना पोजिटिभ देखिएको स्वास्थ्य मन्त्रालयल जनाएको हो । उनको अन्य विवरण भने जानकारी गराइएको छैन ।

उनी चैत ४ गते कतार एयरवेजको क्युआर ५२५ उडानमार्फत् काठमाडौं आएको खुलेको छ । यसअघि फ्रान्सबाट कतार हुँदै आएकी काठमाडौंकी युवतीमा कोरोना देखिएको थियो । उनी अहिले टेकु अस्पतालमा उपचाररत छिन्।