तिन सय बेडको आईसोलेशन बन्दै रौतहटमा केहि दिनमै पिसिआरको दायरा बददै
उदय तिवारी
रौतहट
रौतहटमा तीन सय बेड क्षमताको सुविधा सम्पन्न आइसोलेशन सञ्चालनमा आएको छ । प्रजिअ इन्द्रदेव यादवको पहलमा देवाही गोनाही नगरपालिका धरहरीस्थित जयकिसान पोलिटेक्निकल क्याम्पसको भवनमा शनिबार साँझदेखि तीन सय शैय्याको आइसोलेशन सञ्चालनमा आएको हो ।
त्यसैगरी प्रदेश २ को सामाजिक विकास मन्त्रालयले उपलब्ध गराउन लागेको पिसिआर जाँच मेसिन अगामी दुई साताभित्र सञ्चालन भैसक्ने डाक्टर साहले बताए ।
रौतहटमा हालसम्म कुल १५ सय १५ कोरोना संक्रमित मध्ये एकसय ५० बिरामी सक्रिय रहेको तथा अन्य कोरोना जितेर घर फर्किसकेको जिल्ला अस्पताल गौरका प्रमुख डाक्टर कृष्ण साहले जानकारी दिएका छन् । संक्रमित मध्ये ६ जना धरहरी आइसोलेशन, केही गौर, चन्द्रपुर, कटहरिया आइसोलेसनमा र केही होम आईसोलेसनमा रहेका छन । कोरोनाबाट रौतहटमा हालसम्म ३ जना र एकजनाको शंकास्पद मृत्यु भएको जिल्ला प्रशासनको तथ्याङ्कमा उल्लेख छ ।
