विश्व सुचना नेटवर्क प्रा. लि. (दर्ता नं ८८२ / ०७५ – ०७६)
Losapa Nepal
Simarajitpur

पोखरियामा निशुल्क पाउने औषधी पाएनन् बिरामीले, अस्पताल अस्तव्यस्त

456

Get real time updates directly on you device, subscribe now.

cin bigyapan

पोखरिया, १७ बैशाख 

Thank you for reading this post, don't forget to subscribe!

पर्साको पोखरिया अस्पताल पुगेका बिरामीहरु ओपिडी पाउने निशुल्क औषधी नपाउँदा थप पिडामा परेका छन् ।
पोखरिया नगरपालिका वडा नम्बर ४ मा रहेको पोखरिया अस्पतालमा विगत ३ महिनादेखि बिरामीहरुले ओपिडी पाउने निशुल्क औषधी नपाएर खाली हात घर फर्कन बाध्य भएका छन् ।

सो नगरपालिकाको वडा नं. ५ बस्ते अमृता कुमारी ज्वरो आएपछि चेकजाँचका लागि बिहीबार अस्पताल गएकी थिइन् । घण्टौं कुरेपछि बल्लतल्ल २५ रुपैंया तिरेर ओपिडीमा पुग्दा चिकित्सकहरु थिएनन् । चेकजाँच गराउन पुगेकी उनले न त चेकजाँच गराउन पाइन्, न औषधी नै । जबकि प्रदेश सरकार मातहत रहेको सो अस्पताललाई ओपिडी सेवा बन्द गरे पनि फिभर क्लिनिक ओपिडी दरमा बिहान १० बजेदेखि १ बजेसम्म सन्चालन गर्न निर्देशन छ । तर प्रदेश सरकारको निर्देशनको अवज्ञा गर्दै चिकित्सकहरु भने अस्पतालको ड्युटी छोडेर आफ्नो निजी क्लिनिकमा पुग्ने गरेका छन् । बाहिर निजी क्लिनिकमा चेक गराउन बाध्य बनाएर निशुल्क पाउने औषधी समेत बाहिरका औषधी पसलबाट किन्न पोखरियाका बिरामी बाध्य छन् । अमृताले भोगेको पिडा त, एउटा नमुना घटना मात्र हो । पोखरिया अस्पताल पुग्ने जो कोही पनि यस्तै पिडा भोग्न बाध्य छन् ।

 

devatal gapa

पोखरिया नगरपालिका अन्र्तगत पर्ने सो पोखरिया अस्पताल अस्तव्यस्त छ । अस्पतालको रिसेप्सनमा विकास समितिबाट एक जना कर्मचारी सुबोध कुमार चौरसियालाई नियुक्त दिइएको भए पनि उनलाई अस्पतालले फार्मेसीमा खटाएको छ । जसका कारण अस्पतालबाट सही सूचनाको अभावमा बिरामीहरु दिनभरि भौतारिन बाध्य छन् ।

अस्पतालको फार्मेसीमा निलम चौहान, शुभनारायण रौनियार, शिवेन्द्र चौधरी र सुबोध चौरसियालाई भत्ता पकाउने उद्देश्यले अस्पतालले औषधी नै नपाउने फार्मेसीमा खटाएको बिरामीहरुको गुनासो छ । यस विषयमा पोखरिया अस्पतालकी सहायक प्रमुख लक्ष्मी चौहानसित बुझ्दा चार जनालाई आपसी समन्वयमा प्रत्येक दिन एक जनाले मात्र ड्युटी गर्न भनिएको बताइन् । औषधीको विषयमा बुझ्दा अस्पतालको फार्मेसीबाट निशुल्क वितरण गरिने ७० प्रकारको औषधीमध्ये विगत ३ महिनादेखि १५ प्रकारको औषधी मात्र अस्पतालको फार्मेसीमा रहेको उनले बताइन् । जबकि प्रदेश सरकारले पोखरिया अस्पतालमा औषधी खरिद गर्नको लागि ५० लाख रुपैंया पोखरिया नगरपालिकालाई दिएको छ ।

अस्पतालको पनि चाहिने औषधीको माग फारामा भरेर नगरपालिकामा पठाईसकेको छ । तर कमिसनको चक्करमा औषधी खरिदका लागि हालसम्म टेण्डर हुन नसकेको अस्पताल श्रोतले बतायो ।
कोरोनाको दोस्रो लहर चलेका बेला पोखरियाका जनता भने सामान्य ज्वरोको औषधी पाउन सकिरहेका छैनन् । कमिसनको चलखेलका यस्तो अस्तव्यस्तता पोखरियामा छ । कोरोनाको चपेटामा पोखरियाका बासिन्दा परे भने उनीहरुको के हुने हो, नगरबासी चिन्तित छन् ।

baragadhi

Get real time updates directly on you device, subscribe now.

Karaiya Mai

Comments are closed.