भ्रममा नपरौ, अस्पतालको बदनाम गर्ने काम बन्द गरौ : सूर्य हस्पिटल

वीरगञ्ज, पर्सा।

Thank you for reading this post, don't forget to subscribe!

वीरगञ्जको बिर्तास्थित सूर्य हस्पिटलको विषयमा सञ्चार माध्यममा आइरहेका समाचारप्रति अस्पताल परिवारले आपत्ति जनाएको छ । विभिन्न सञ्चार माध्यमहरुले भ्रामक समाचार सम्प्रेषण गरेर अस्पतालको बदनाम गरीरहेका अस्पताल प्रशासनको दावी छ । अस्पतालले शनिवार एक प्रेस विज्ञप्ती जारी गर्दै भ्रामक समाचार सम्प्रेषण गरेर अस्पतालको छबि बिगार्ने काम गरेको भन्दै आपत्ति जनाएको हो ।

अस्पतालबाट प्रवाह हुने सेवा तथा उपचारमा कुनै कमी कमजोरी भेटिए छानबिन गर्ने सम्बन्धित निकायमा प्रमाणसहित पेश गर्न आग्रह गर्दै अस्पतालले छानबिनमा सहयोग गर्ने पनि विज्ञप्तीमार्फत जानकारी गराएको छ । अस्पतालले सबै प्रक्रिया पूरा गरेर नियमित सेवा प्रदान गरीरहेको र विभिन्न जटिल किसिमका बिरामीको पनि सफल उपचार गरेको उदाहरण सबैलाई सर्वबिदितै भएको हुँदा अस्पतालको नाम जोडेर भ्रम फैलाउने काम नगर्न आग्रह गरिएको छ ।

यस्तै अस्पतालका चिकित्सक डा. सरोज सिँहलाई पक्राउ पुर्जी जारी भएको भन्ने खबरमा कुनै सत्यता नभएको पनि अस्पतालले विज्ञप्तीमार्फत स्पष्ट पारेको छ । उक्त खबर पूर्ण रुपमा निराधार र अफवाह रहेको बताउँदै अस्पतालले भ्रमको पछाडी नलाग्न आग्रह गरेको छ । सोही विज्ञप्तीमार्फत अस्पताल हाल निर्वाद रुपमा सञ्चालनमा रहेको पनि जानकारी गराइएको छ ।