वीरगञ्ज, २७ बैशाख । बाराको महागढीमाई नगरपालिकाको नगरप्रमुख (मेयर) पदका उम्मेदवार उपेन्द्र यादवले शक्ति प्रदर्शन गरेका छन् ।
नेपाली कांग्रेसबाट मेयरका उम्मेदवार यादवले शक्ति प्रदर्शन गरेका हुन् । यादवले निकालेको घरदैलोमा ७० वटा चार चक्का गाडी, २ हजार भन्दा बढी मोटरसाइकलमा ७ हजार भन्दा धेरै जनतालाई उतारेका थिए ।
हजारौको संख्यामा उपस्थित नागरिकले यादवको समर्थन गरेपछि विगतमा मेयरका पदका प्रत्यासीसमेत रहेका रामचन्द्र साहसँगै टिकट नपाएका बिजय स्वर्णकारले पनि यादवकै समर्थन जनाएका छन् । बिकास र समृद्धिका लागि कृषि, पर्यटन, शिक्षा, स्वास्थ्य एवम् रोजगारीलाई प्राथमिकता दिइने यादवले बताएका छन् ।
निवर्तमान मेयरसमेत रहेका यादवले दोस्रो कार्यकालमा सबैले स्मरण गर्ने गरी परिवर्तन गर्ने दृढता जनाउँदै बिकासका लागि कुनै कसर बाँकी नराख्ने प्रतिबद्धता पनि व्यक्त गरेका छन् ।
