कलैया, बारा।
बाराको आदर्श कोतवाल गाउँपालिकाको ९औं गाउँ सभा सम्पन्न भएको छ। गाउँपालिका अध्यक्ष जवाहर साहको अध्यक्षता तथा नेपाली कांग्रेसका मधेस प्रदेशका उपसभापति चन्द्रशेखर यादवको प्रमुख आतिथ्यतामा एवं उपाध्यक्ष रिमा देवी र प्रमुख प्रशासकीय अधिकृत प्रमोद कुमार साहको विशिष्ट आतिथ्यतामा सभा गरिएको हो ।
गाउँपालिका उपाध्यक्ष रिमा देवीको आदेशानुसार गाउँपालिकाको कर्मचारी हृदयराज यादवले आर्थिक बर्ष ०७९/०८०को नीति कार्यक्रम र बजेट सर्वाजनिक गरेको थियो । गाउँपालिकाले अगामी आर्थिक बर्षका लागि चालू तर्फ २९ करोड ४१ लाख ४३ हजार र पुजिगत तर्फ १६ करोड ८५ लाख ५८ हजार गरि जम्मा ३९ करोड ७७ लाख १ हजार को नीति कार्यक्रम तथा बजेट सार्वजनिक गरेको छ । सभामा विभिन्न बक्ताहरुले आ-आफ्नो धारणा राखे क्रममा शिक्षा स्वास्थ्य कृषि लगायतका कुरामा बढीजोड दिएका थिए। त्यस्तै कर्मचारीहरुले आफ्नो जिम्मेवारी लाइ जिम्मेवारी नबुझी जनताको काम लाई अटेरी गरेको बारे अधिकांस गुनासो गरिएको थियो ।
उक्त कार्यक्रममा गाउँपालिकाका वाडा अध्यक्षहरु, कार्यपालिका सदस्यहरु, वडा सदस्यहरु ,योजना प्रमुख बलिराम प्रसाद यादव, लेखा प्रमुख सुबोध कुशवाहा, समाजसेवी सुरक्षाकर्मी, पत्रकार लगायत स्थानीयवासीहरुको विशेष उपस्थित रहेको थियोे । उक्त कार्यक्रममा स्वागत मन्तव्य गाउँपालिकाको प्रमुख प्रशासकीय अधिकृत प्रमोद कुमार साहले गरेको थियोे भने कार्यक्रम संचालन गाउँपालिकाका प्रशासन अधिकृत सुनिल बिक्रम थापाले गरेका थिए ।
