ओलीको चेतावनी- प्रदेश अधिवेशनमा प्यानल बनाएर चुनाव लडे उम्मेदवारी खारेज

काठमाडौं । नेकपा एमालेका अध्यक्ष केपी ओलीले बागमती प्रदेश अधिवेशनमा प्यानल बनाएर प्रतिस्पर्धा गरे उम्मेदवारी नै खारेज गरिदिने चेतावनी दिएका छन् ।

Thank you for reading this post, don't forget to subscribe!

 

काठमाडौंमा सोमबार सुरु एमाले बागमती प्रदेश कमिटीको अधिवेशन उद्‍घाटन समारोहमा अध्यक्ष ओलीले एकताबद्ध भएर अगाडि बढ्न निर्देशन दिएका हुन् । उनले चुनावी प्रतिस्पर्धा गर्न पाउने अधिकार भए पनि प्यानल बनाउन भने नपाइने बताए ।

 

एमाले बागमती प्रदेश अधिवेशनबाट पाँच पदाधिकारीसहित २४० सदस्य निर्वाचित हुनेछ । अध्यक्ष, उपाध्यक्ष, महासचिव र दुई उपमहासचिव पदाधिकारी रहनेछन् । एमालेको बागमती अधिवेशनमा १३ जिल्लाका मनोनीतबाहेक एक हजार १४२ प्रतिनिधि सहभागी छन् ।

 

यसअघि लुम्बिनी प्रदेश कमिटीको अधिवेशनमा पनि अध्यक्ष ओलीले सहमतिबाट नेतृत्व चयन गर्न निर्देशन दिएका थिए । तर उपाध्यक्ष विष्णु पौडेल र महासचिव शंकर पोखरेल निकटका नेता प्यानल नै बनाएर चुनावी प्रतिस्पर्धामा उत्रिएका थिए ।