अज्ञात व्यक्तिद्धारा स्काभेटरमा आगजनि

बिकास पान्डे, रौतहट ।।  बाटो बनाउने विषयमा विवाद उत्पन्न हुँदा विहिवार राति रौतहटको गुजरा नगरपालिकामा पाकिंग गरिएको स्काभेटरमा केही व्यक्तिहरुले आगजनि गरेको छ ।

Thank you for reading this post, don't forget to subscribe!

गुजरा नगरपालिका ६ को खतवहिया गाउँमा बिहिवार बाटो निर्माण गर्ने विषयमा स्थानिय बासिन्दा र निर्माण कम्पनीका कर्मचारी बिच वाद विवाद भएका थिए । बिहिवार राति नै ठेक्का सकार गरेको सगुन निर्माण कम्पनीको स्काभेटर पाकिंग गरेको अवस्थामा केही अज्ञात समूहले आगजनि गरेको जिल्ला प्रहरी कार्यालय रौतहटले जनाएको हो ।

बाटो निर्माणका लागि सगुन कन्सन्ट्रक्सनले प्रयोग गरेको स्काभेटरमा आगजनि गर्दा स्काभेटर क्षतिग्रस्त भएको रौतहट प्रहरीका  प्र्रक्त प्रवक्त्ता नविन कार्कीले बताए । आगजनि गर्ने व्यक्तिको खोजी भइरहेको उनले बताए ।

बाटो निर्माणका क्रममा स्थानिय सँग विवाद भएकोमा स्काभेटरमा आगजनी हुनु घटना शंकास्पद रहेको उनले जानकारी दिए । घटना सन्दर्भमा प्रहरीले आवश्यक अनुसन्धान गरिरहेको उनले भने ।