सुनसरी, जेष्ठ ३२ गते
सुनसरीको धरान उप-महानगरपालिका-१६ मंगलवारे चोकबाट लागूऔषध सहित २ जना पक्राउ परेका छन् । ईलाका प्रहरी कार्यालय धरानबाट सादा पोशाकमा खटिएको प्रहरी टोलीले पैदल हिडिरहेका धरान ११ का २६ बर्षीय रोशन राई र धरान ३ की १९ बर्षीया प्रसंशा राईलाई शंका लागि चेकजाँच गर्ने क्रममा निजहरुले बोकेको झोलामा एभिल १८ एम्पुल, डाईजेल्याव १८ एम्पुल र लुपिजेसिक १८ एम्पुल फेला परेको थियो । लागु औषध सहित पक्राउ परेका दुवै जनालाई ईलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ ।
