योजना तर्जुमा खुल्ला रुपमा नगरेको बिरोधमा वडा कार्यालयमा तालाबन्दी 

प्रभु यादव बारा  । 

सुवर्ण गाँउपालिका वडा नम्बर ४ का वडाअध्यक्ष दोलेन्द्र प्रसाद यादवले वडाको बजेट पार्दरशिता एवम योजना तर्जुमा खुल्ला रुपमा नगरेको बिरोधमा स्थानियहरुले वडा कार्यालयमा तालाबन्दी गरेका छन् । श्रावन १३ गते तालाबन्दी गरेका थिए । दुई बर्ष बिति सक्दा समेत परिषद खुल्ला रुपमा नगरी कोठे परिषद गरी आफनो मनोमानी रुपमा वडाअध्यक्षले कामकाज गर्ने गरेको र आफुहरु वडाले गरेको कामका बारेमा जानकारी माग गर्दा दिनमा आलटाल गर्ने गरेको हुदा बाध्य भएर तालाबन्दी गरेको स्थानिय बिजय यादवले जानकारी दिनुभयो ।

वडा कार्यालयवाट बितरण गरिएको स्प्रेय टंकी, मोटर, डिलेभरी पाईप, कृषिचुन, धानको विउ, कुखुराका चल्लाहरु समेत एकपक्षीय रुपमा बितरण गरेको नेपाली काँग्रेसबाट वडाअध्यक्षका प्रत्यासी उम्मेदवार स्थानिय झकर यादवले आरोप लगाउनुभयो । वडाअध्यक्ष यादवलाई सूचनाको प्रयोग गरि श्रावन १३ गते सूचना माँग गर्दा समेत अहिले सम्म वडाले गरेको कामकाजको लेखाजोखाको माँग गर्दा समेत नदिएको स्थानियहरुको आरोप रहेको छ ।

तालाबन्दीका कारण सर्व सधारणको कामकाजमा प्रभावित भईरहेको छ भने आफनो आसेपासेकाहरुलाई वडाअध्यक्षले आफनो घरबाट कामकाज गर्ने गरेको एमालेका वडा सदस्यका प्रत्यासी उम्म्ेदवार रहेका मोतीलाल यादवले आरोप लगाउनुभयो । त्यति मात्र होईन वडा नम्बर ४ का कामकाज वडा नम्बर ५ औरैया स्कुलबाट गर्ने गरेको आरोप पनि वडाअध्यक्ष यादव माथि उतिकै रहेको छ ।

हावा हुरीमा प्रभावित भएका सरल प्रसाद यादव, छोटेलाल प्रसाद यादव, महन महरा , लंगटु महरा लगायतको घरमा क्षति पुगेपनि वडाअध्यक्षले उनीको नाम पिडितमा नराखी पुर्वाग्राही रुपमा अंसिक क्षति भएका वडा सदस्य समेत रहेका जटहा प्रसाद यादव,वद्र्धी प्रसाद यादव, जयशंकर यादव र बिन्देश्वरी यादव एक्का सगोल परिवार रहेपनि उनहिरुको घर भत्केको सिफारिस गरी क्षति उपलबध वडाअध्यक्ष यादवले गराएको स्थानिय राकेश यादवको आरोप रहेको छ ।

वडाअध्यक्ष दोलेन्द्र र वडासचिव गगनदेव यादव कार्यालयमा नआएको करिब २० दिन भन्दा बढी भयो जसका कारण नागरिकलाई निकै सास्ती भईरहेको राजपा नेपालको तर्फबाट वडा सदस्यका प्रत्यासी उम्मेदवार गेनालाल यादवले भन्नुभयो । तालाबन्दी बिजय यादव, राकेश यादव, केदार यादव, गेनालाल यादव, मोतिलाल यादव,असर्फी यादव, जलन्दर प्रसाद यादव, कुरताली प्रसाद यादव, झकर प्रसाद यादव लगायतका करिब ३ दर्जन भन्दा बढीको सहभागितामा तालाबन्दी भएको थियो ।

टंकी ३० जनाका लागि आएको र वडामा करिब ५ सय घरधुरी रहेकोमा जनताको असन्तुष्टि स्वभाविक रहेपनि त्यसैको निहुमा तालाबन्दी गर्नु जायज नभएको वडाअध्यक्ष यादवले भन्न्ुभयो । विहिवार नै प्रहरीको रोहवरमा ताला फुटाएको बताउदै सेवा वडा कार्यालयवाट नै सुचारु गर्ने वडाअध्यक्षले प्रतिक्रिया दिनुभयो । गाँउ समाजमा पहल नगरी प्रहरी प्रशासनको सहयोगमा ताला फुटाएकोमा स्थानियहरु अझै रुष्ट बनेका छन् ।