कपिलवस्तु ।
अज्ञात समुहले कपिलवस्तुको मायादेवी गाउँपालिकाको अध्यक्ष चढ्ने गाडीमा आगजनी गरिएको छ । गाउपालिका अध्यक्ष बजरंगी चौधरीले चढ्ने गरेको लु १ झ ४०० नम्बरको सरकारी गाडीलाई अज्ञात समूहले आगजनी गरेका छन् ।
शनिबार राति सदरमुकाम तौलिहवामा रहेको भाडाको निवास अगाडि पार्किङमा राखिएको गाडीमा राति १०:५० बजेतिर आगजनी भएको हो । आगजनी किन र कसले गरेको भन्ने आफुलाई कुनै जानकारी नभएको अध्यक्ष चौधरीले बताएका छन् ।
चाैधरी तात्कालिन संघीय समाजबादि फाेरम नेपाल हाल समाजबादी पार्टी बाट मायादेवी गाउपालिकाकाे अध्यक्षमा जितेका थिए । आगजनीका कारण गाडी जलेर पूर्ण रुपमा क्षति भएको छ । राती नै कपिलवस्तु नगरपालिकाको दमकलले आगो निभाएको थियो ।
उक्त घट्ना को र किन गराईएकाे अनुसन्धान भइरहेको प्रहरी उपरीक्षक दीप शमशेर जबराले बताए ।
