प्रभु यादव, बारा ।।
बारामा अवस्थित विश्व प्रसिद्ध गढिमाई मन्दिर सञ्चालन तथा विकास समितिको चुनावमा सञ्चारकमीको उम्मेदवारी परेको छ । ट्रष्टको चुनामा सञ्चारकर्मी अजय कुमार साहको सदस्यमा उम्म्ेदवारी परेको हो । विश्व प्रसिद्ध गढिमाई प्रचारप्रसारको अभावमा जुन रुपले विश्व सामु चिनिने हो त्यो हिसावले नभएको प्रति आफनो उम्मेदवारी परेको साह बताउछन । आफुले विगतमा गढिमाई मन्दिर बारे कलम चलाउदै आएको र अगामी दिनमा निरन्तर कलम चलाउने प्रतिवद्धता जनाएका छन ।
हारजित भनेको चलिनै रहने तर सवै सञ्चारकर्मीको साथ र सहयोगले आफुले उम्मेदवारी दर्ता गराएको उनि बताउछन । अहिले सम्मको ईतिहासमा गढिमाईको ट्रष्टमा स्थानिय बरियारपुरवासी बाहेक कसैले उम्मेदवारी दिन सकेको थिएनन । बरियारपुर बाहेक सञ्चारकमी साह पहिलो उम्मेदवार हुन । उनको प्रस्तावकमा नेपाल पत्रकार महासंघका निर्वतमान उपाध्यक्ष राकेश पाण्डे सर्मथनमा पन्नालाल दास रहेको थिए । सञ्चारकर्मी साहको उम्मेदवारीले स्थानिय महिला सञ्जाल, नागरिक समाज, बुद्धिजिवि लगायतले प्रत्यक्ष र समाजिक सञ्जाल मार्फत बधाई समेत दिएका छन ।
समाजमा अहिले युवाको जोस जागर समाजिक तथा धार्मिक क्षेत्रमा राखे समाज सकारात्मक दिसा तर्फ लगिन सक्ने नागरिक समाजका अध्यक्ष उमेशलाल दास बताउछन । समाजमा सकारात्मक रुपमा कलम चलाउदै आएका सञ्चारकमी साहलाई अग्रिम बधाई दिदै यस्ता युवा पिढिलाई मौका दिए गढिमाईमा आन्तरिक र वाहय पर्यटक भित्रयाउन सहयोग पुग्ने नेपाल पत्रकार महासँघ प्रदेश नम्वर २ का सदस्य सिकिन्द्र पासवनले बताएका छन । सञ्चारकर्मी साह विगत एक दशक भन्दा बढि समय देखि सञ्चार क्षेत्रमा कार्यरत छन । अहिले उनि एभिन्यु टेलिभिजन तथा राजधानी राष्ट्रिय दैनिकमा बारा जिल्लाबाट कार्यरत छन ।
