रामसहाय यादवको करकमलले गढिमाई दर्शनार्थीका लागि सडक बनाउन १६ करोड बढीको योजना स्वीकृत

कलैया बारा । 

रामसहाय यादवको करकमलले गढिमाई दर्शनार्थीका लागि सडक बनाउन १६ करोड बढीको योजना स्वीकृत भएको छ । बाराको बरियापुरमा प्रत्येक ५ बर्षमा लाग्ने विश्व प्रसिद्व गढिमाईको भव्यरुपमा मनाइने पुजा तथा मेलामा सडक, खानेपानी, स्वास्थ्य संचार तथा अन्य पुर्वाधार विकासका लागि समाजबादी पार्टीका महासचिब तथा सांसद रामसहाय प्रसाद यादवले गत भाद्र ९ गते संसदको बिशेष समय लिएर सरकारको ध्यानाकर्षण गराएको थियो । दर्शनार्थीहरुको आवत जावतमा सुबिधा हुने दृष्टिकोणले यातायात लाइ सबल बनाउने कार्य गरेका हुन् ।

योजना छनौट तथा त्यसको कार्यान्वयनको लागि लगातार पहल गर्दै आएकोमा त्यस क्षेत्र र वरपरको स्थानको सडक निर्माण तथा मर्मतकालागि नेपाल सरकारबाट १६ करोड ५७ लाख ९१ हजारको योजना असोज १४ स्वीकृत भएको छ । सांसद यादवलाइ बजेट छनौट र कार्यान्वयन प्रक्रियामा सहयोग पुर्याउनुहुने अर्थमन्त्री युवराज खतिवडा, समाजबादी पार्टीका सचिव एवं शहरी विकास मन्त्री मोहम्मद इस्तियाक राई र भौतिक पुर्वाधार तथा यातायात मन्त्री रघुवीर महासेठलाई बिशेष धन्यवाद समेत दिनु भएको छ ।