रामनारायण ठाकुर
सिरहा,मंसिर १४ गते । सिरहाको कल्याणपुर नगरपालिका १२ बेलहामा शान्तिपूर्ण रूपमा मतदान सम्पन्न भएको छ । कल्याणपुर नगरपालिका वडा नं.१२ बेलहामा रिक्त रहेको वडाध्यक्षको पदका लागि भएको उपनिर्वाचनमा ७१ प्रतिशत मत खसिएको कल्याणपुर नगरपालिकाका मुख्य निर्वाचन अधिकृत योगेन्द्र प्रसाद साहले जनाएको छ ।
श्री बिष्णु चरण श्रेष्ठ मा.वि बेल्हामा जम्मा १ हजार १ सय ७० महिला र ७ सय ६३ पुरुष गरि जम्मा १ हजार ९ सय ३३ मत खसेको छ ।
यस्तै आधारभूत विद्यालय तिलासिमा ३ सय महिला र २ सय ४७ पुरुष गरि ५ सय ४७ मत खसेको छ । मतदान केन्द्रमा महिलाको संख्या बढी देखिएको छ । उपनिर्वाचनमा जम्मा मतदाता संंख्या ३ हजार ४ सय ५० रहेको छ । दुई वटै मतदात स्थल जम्मा २ हजार ४ सय ८० मत खसेको छ ।
सिरहामा साढे ७ बजेबाट मतदान शुरु भएको थियो । ७ बजेदेखि नै मतदान शुरु गर्ने भनिए पनि मतदाताहरू समयमा उपस्थित नहुँदा केही ढिला भएको थियो । सिरहामा २ मतदात स्थलका ४ वटा मतदान केन्द्रमा रहेको थियो । मतदान साँझको ५ बजे सम्पन्न भएको छ ।
उक्त मतदान स्थलमा शान्ति सुरक्षको लागी ३ तहको सुरक्षा निकायलाई परिचालन गरिएको थियो । पहिलो चरणमा नेपाल प्रहारी,दोस्रो चरणमा सशस्त्र प्रहारी,तेस्रो चरणमा नेपाली सेना गरी तिन तहको सुरक्षा निकायले सुरक्षा लिएको थिए ।
सिरहामा कल्याणपुर १२ को वडाअध्यक्ष पदको लागि १३ जनाको उम्मेदवारी दर्ता भएको छ ।
विसं २०७४ मा सम्पन्न स्थानीय तहको निर्वाचनमा नेपाली कांग्रेस बाट वडाध्यक्ष पदमा निर्वाचित राजदेव यादवको निधन भएपश्चात सो पद रिक्त भएको थियो ।
