पाल्पा ,
मंसिर १९- पाल्पामा जीप दुर्घटना हुदा २ जनाको मृत्यु भएको छ । मृत्यु हुनेमा जीपका चालक पाल्पा रैनादेवी छहरा गाउँपालिका ५ का २३ वर्षीय दिलिप बम्रेल र सहचालक सोही गाउँपालिका ४ का २६ वर्षीय कृष्णबहादुर कार्की रहेको जिल्ला प्रहरी कार्यालय पाल्पाका एसपी दीपेन्द्र जिसीले जानकारी दिए । बुटवलबाट पाल्पाको तानसेन आउदै गरेको लु १ ज ४२०९ नम्बरको जीप तिनाउ गाउँपालिका ५ चौबिस माइल नजिक दुर्घटना भएको थियो ।
