विकाश पाण्डेय रौतहट रौतहट माघ २१
रौतहटको माधवविनारायण नगरपालिका वडा नं ६ माधोपुरमा हनुमानजीको
प्राणप्रतिष्ठाका लागि आयोजना गरिएको यज्ञ आज सम्पन्न भएको छ ।
माधोपुरमा निवनिर्मित हनुमान मन्दिरको प्रांगनमा गत शुक्रवारबार देखी सुरु
भएको यज्ञलाई आज विधिवत रुपमा समापन गरिएको छ ।
दशक भन्दा बढि दिन देखी माधोपुर स्थित दक्षिणवारी टोलमा जिर्ण अवस्थामा
रहेको हनुमान मन्दिर र उनको मुर्तिलाई भत्काई नयाँ मन्दिरको निर्माण र
नयाँ मुर्तिको अवशेष ल्याइ स्थापना गरिएको पुर्वसन्धयामा उक्त यज्ञको
आयोजना गरिएको थियो ।जिर्ण रहेको हनुमान मन्दिरको भवन माधवनारायण नगरपालिकाको १४ लाख नगरस्तरीय बजेटबाट गत वर्ष निर्माण भएको थियो .
यज्ञ अन्तर्गत माधोपुरमा माघ १७ गते शुक्रवारका दिन ५५० जना कुमारी कन्याद्धारा कलशयात्रा गरिएको थियो भन्ने शुक्रवार बेलुका ७ बजेदेखी प्राणप्रतिष्ठान, शनिवारदेखी आईतवारसम्म हनुमान आराधना र १९ गते आईतवारदेखी नै ४८ घण्टासम्म लगातर रामधुन भएको थियो । ४८ घण्टे रामधुन आज बेलुका ५ बजे सम्पन्न भएको बताईएको छ । माधोपुर गाउँवासीको सहयोगमा हनुमानको प्राण प्रतिष्ठा र गाउँको सुख शान्ति एवं कल्याण्का लागि उक्त यज्ञको आयोजना गरिएको आयोजककर्ताका विरझन यादवले बताउनुभयो । समापन्न कार्यक्रममा आज आयोजकको तर्फबाट विरझन यादवले मन्दिर
निर्माण र यज्ञमा महत्वपुर्ण योगदान गरेको भन्दै माधवनारायण नगरपालिकाका
नगर प्रमुख विरेन्द्र यादवलाई दोसल्ला र गम्छा ओढाएर सम्मान गरेको
स्थानीय विगन यादवले बताए ।