यी तिनै जनाले एकै चलचित्रमा अभिनय गरे भने कस्तो होला? यो जिज्ञासा धेरै चलचित्रकर्मी तथा दर्शकहरुमा पनि छ ।
प्रदिप खड्काले यस्तो प्रतिकृया दिएको केही दिनभित्रमा नै अभिनेता अनमोल केसीले पनि आफू प्रदिप खड्कासँग काम गर्न तयार रहेको बताएका थिए । यसै सन्दर्भमा अर्का अभिनेता पल शाहले पनि आफ्नो भनाइ व्यक्त गरेका छन् । उनले अनमोल र प्रदिपसँग काम गर्ने चाहना आफ्नो पनि रहेको बताएका हुन् । प्रदिप र अनमोलसँग काम गर्न पाए आफू जस्तोसुकै भूमिकाका निम्ति पनि तयार हुने पल शाहले प्रतिकृया दिएकाहुन् ।
‘मलाई एक पटक अनमोल र प्रदिपसँग एउटै चलचित्रमा काम गर्ने इच्छा छ । त्यसको लागि म भिलेन अथवा कुनै कमेडी पात्रका रुपमा भए पनि काम गर्न तयार हुने छु,’ पलशाहले भने । चलचित्र निर्माता तथा निर्देशकहरुले पनि यी तीन अभिनेताहरुलाई एउटै चलचित्रमा काम गराउने प्रयास नगरेका हैनन् ।
निर्माता रमेश त्वायनाले त अनमोल प्रदिप र पललाई लिएर हामी ३ भाइको सिक्वेल निर्माण गर्ने प्रतिकृया समेत दिएका थिए ।
यता पलशाहको प्रतिकृया जस्तै नेपाली दर्शकले पनि एक पटक यी तीन अभिनेतालाई एउटै चलचित्रमा देख्न भने चाहेका छन् । अब दर्शकको यो चाहना कहिले पूरा हन्छ, त्यो भने समयले बताउने छ ।
