कोरोना भाइरसको कारणा सीडीओ र डाक्टरहरुलाई जिल्ला नछाड्न निर्देशन : मन्त्री ढकाल
काठमाडौं – सरकारले सिडिओ र स्वास्थ्यकर्मीलाई जिल्ला नछाड्न निर्देशन दिएको छ । स्वास्थ्य मन्त्री भानुभक्त ढकालले राष्ट्रिय सभाको बैठकमा सो जानकारी दिएका हुन् । कोरोना भाइरसको विश्वव्यापी महामारी सम्बन्धमा नेपालले गरिरहेको तयारी सम्बन्धमा जानकारी दिँदै मन्त्री ढकालले महामारी भित्रनै नदिने प्रयास गरिएको बताए ।
उपत्यकाभित्रका अस्पतालमा एकसय २० र बाहिर एकसय १५ गरी दुईसय १५ आईसीयु बेड थप्न जुटिसकेको उनले जानकारी दिए । त्यसैगरी एकसय ५५ वटा आइसोलेटेड बेडको व्यवस्था गरिएको पनि उनले बताए ।
मुख्यत उपत्यकाका व्यवस्था गरे पनि संक्रमण फैलिएको अवस्थामा सबै अस्पतालमा संक्रमित विरामीलाई पठाउने भन्दा उपत्यकाभित्रका तीनवटा अस्पतालमा पठाइने उनले बताए ।
