बीरगंज, पर्सा ।
वीरगंज महानगरपालिका वडा नं. ८ मा पानीटंकी टोल आज एक कार्यक्रमका बिच युवा नेता राजुदीन बाबुको नेतृत्वमा वृक्षारोपन कार्यक्रम सम्पन्न भएको छ । प्रभु अस्पताल देखि पानीटंकी चौक एल.एस. न्यूरो अस्पताल सम्म विगतका समयमा वृक्षारोपन गरिएको स्थानमा केही विरुवाहरु नसप्रिएको तथा सुकेको स्थानमा आज पुनः विभिन्न प्रजातिका विरुवाहरु वृक्षारोपण गरिएको हो ।
वातावरण संरक्षण चुनोतीको रुपमा देखिएकोले वातावरण जोगाउनको लागि मानव जीवनमा अक्सिजन अति महत्वपूर्ण रहेकोले उक्त वृक्षारोपण गरिएको हो । सो वृक्षाराोपण कार्यक्रममा टिमुर, गुल्मोहर, अशोका लगायत विभिन्न प्रजातिका करिब ५० वटा विरुवाहरु रोपिएको युवा नेता राजुदीन बाबुले बताए । सो अवसरमा मैनुदीन हवारी, सुरेश पासवान, सोनु हवारी, मंजुर हवारी, अनवर हवारी, प्रवेज आलम, वसिम राजा लगायत स्थानियहरुको सहभागीता रहेको थियो ।
