Ultimate magazine theme for WordPress.

पोखरिया सामुदायिक पुस्तकालय ८ महिना देखी बन्द

सुवर्ण गाउपालिका

सैलेस गुप्ता १२ फालगुन पोखरिया ः–

पर्साको पोखरिया नगरपालिका वडा न. ४ मा ५५ लाख ५६ हजारको लागतमा स्थापित सामुदायिक पुस्तकालयलाई विस्तापित गरिएको खबर प्रकाशमा आएको छ । वि.स. २०७१ साल कार्तिक २३ गतेदेखि रिड नेपालको आर्थिक सहयोगमा स्थापना गरिएको पुस्तकालय नगरपालिकाको भवनमा सञ्चालन हुँदै आएको थियो । वि.स. २०७६ साल मंसिर १५ गते पुस्तकाल व्यवस्थापन समितिसँग सम्झौता गरेर पुस्तकालयको स्तरोन्नतीका लागी नगरपालिकाले आफ्नो हातामा लिएको थियो । नगरपालिकालाई हस्तान्तरण गरिएको ५ महिनामै पुस्तकालयलाई वेवास्ता गरेर पुस्तकालय सञ्चालन भइरहेको भवनमा नगरपालिकाका विभिन्न शाखाहरु सञ्चलन गरीरहेको स्थानीयले बताएका छन् ।

सो भवनका कोठाहरुमा हाल स्वास्थ्य शाखा, पञ्जिकरण शाखा, रोजगार सेवा शाखा, प्रशासन शाखा, आर्थिक शाखा लगायतका शाखाहरु सञ्चालित छन् । पुस्तकालयको स्तरोन्नती गर्ने सम्झौतमा हस्तान्तरण गरेपनि पुस्तकालयमा भएका ५५ लाख ५६ हजारमुल्य बराबरका पुस्तक तथा अन्य सामाग्रीहरुलाई थन्क्याएर राखेको पुस्तकालय व्यवस्थापन समितिका अध्यक्ष भरत गिरीले बताउनुभयो । पोखरिया नगरपालिका वडा न. ४ मा अवस्थित श्री जिल्ला उच्चाङ्गल रामदेव कलवार प्राविधिक नमुना माविको कक्षा कोठामा ति सामाग्रीलाई राखिएको गिरीको भनाई छ । पुस्तकालयबाट सेवा लिइरहेका १ सय भन्दा बढी सेवाग्राहीहरु मर्कामा परेका छन् । बिधालयका प्रधानाध्यापक ब्यास महतो चौहानले बिद्यालयको कक्षा कोठामा पुस्तकालय को सरसमान नगरपालीकाले १ हप्ताको लागी भनेर राखेको भएपनि ८ महिना बितिसक्दा समेत कक्षा कोठा खाली नगराएको बताउनुभयो । कक्षा कोठामा पुस्तकालयका सामाग्री राख्दा बिद्यार्थीहरुलाई पठन पाठनमा समेत समस्या भएको प्रधानाध्यापक चौहानले बताउनुभयो ।

Comments
Loading...
Social Media Auto Publish Powered By : XYZScripts.com