Ultimate magazine theme for WordPress.

मास्कोट एकेडेमीलाई अन्तर विद्यालय लोकनृत्य प्रतियोगिताको उपाधी

सुवर्ण गाउपालिका

वीरगन्ज ।।

लियो क्लब अफ वीरगन्ज र सेण्ट्रल सिटी वीरगन्जको संयुक्त आयोजनामा भएको अन्तर विद्यालय लोकनृत्य प्रतियोगितामा मास्कोट एकेडेमीले प्रथम स्थान हासिल गरेको छ । शनिबार वीरगन्जको नगरसभा गृहमा भएको प्रतियोगितामा १५ वटा विद्यालयलाई उछिन्दै मास्कोट एकेडेमीले प्रथम स्थान हासिल गरेको हो ।

प्रतियोगितामा जिएचपी माविले फस्ट रनर अप, डिएभी आरवि केडिया माविले सेकेण्ड रनर अप र गौतम विद्यालयले तेश्रो रनर अप जितेका छन् । लियो क्लब अफ वीरगन्जकी अध्यक्ष भगवती सिग्देलको अध्यक्षतामा भएको कार्यक्रमको प्रमुख अतिथि लायन्स क्लबका रमेश कुमार अग्रवालले उदघाटन गर्नुभएको थियो । वीरगन्जका विभिन्न १५ वटा विद्यालयले प्रतियोगितामा सहभागिता जनाएका थिए ।

प्रतियोगिताको निर्णायक मण्डलमा नृत्य निर्देशक भूवन श्रेष्ठ, राजन शाही, पल्पसा डंगोलले भूमिका निर्वाह गर्नुभएको थियो । लियो क्लब अफ वीरगन्ज सेन्ट्रल सिटीका अध्यक्ष प्रकाश गुप्ताको स्वागतमा शुरु भएको कार्यक्रमको संचालन शिवम साहले गर्नुभएको क्लबका उपाध्यक्ष मेराजुल हवारीले जानकारी दिए ।

Comments
Loading...