शैलेश गुप्ता २१ पुस पोखरिया
पर्सानेपाल रेडक्रस सोसाइटी पोखरिया उपशाखाको ३४औं वार्षिक सधारण सभा सम्पन्न भएको छ । वार्षिक सधारण सभा पर्साको पोखरिया नगरपालिकामा रहेको उचागल उच्चमाध्यमिक विद्यालयको सभाहलमा भएको हो ।
सधारणमा २०७९/८० को आय व्यय १७ लाख ५५ हजार ४९३ रुपैयाँको र २०८०/८१ को अनुमानित आय व्यय २३ लाख ६१ हजार ५२ रुपैयाको बजेट प्रस्तुत उपशाखाको कोषाध्यक्ष अनिल गिरिले गरेका थिए । यो आर्थिक वर्षमा पोखरिया रेडक्रस सोसाइटी उपशाखाको लागि जग्गा खरिद गर्नमा विशेष जोड रहेको कोषाध्यक्ष गिरीले जानकारी दिए ।
कार्यक्रममा सम्बोधन गर्दै नेपाल रेडक्रस सोसाइटी पर्सा शाखाका उपाध्यक्ष भागवती प्रसाद चौधरीले पोखरिया उपशाखाको लागि पहिला पनि सहयोग गरिएको र फेरि पनि सहयोग गरिने प्रतिबद्धता जनाए ।
सधारण सभामा बोल्दै पूर्व मेयर दिपनारायण रौनियारले पोखरिया उपशाखा सहयोग र रोजगार बनाउन रक्तसंचार केन्द्र स्थापना गराउनमा जोड दिए । पोखरिया अस्पताललाई ५० बेड यही फागुन भित्र हुन गईरहेकोले साथै रक्त संचार केन्द्र हुन जरुरी रहेको पुर्वमेयर रौनियारले बताए ।
कार्यक्रममा पूर्व उपमेयर सलमा खातुनले रेडक्रस उपशाखा पोखरियाको लागि सदस्यता बिस्तार गर्नुपर्नेमा जोड दिइन् ।
कार्यक्रममा नगर उपप्रमुख रुबी ठाकुरले रेडक्रस पोखरिया उपशाखालाई सक्दो सहयोग गरिने प्रतिबद्धता जनाइन् । कार्यक्रम पोखरिया रेडक्रस उपशाखाका सभापती भगवान प्रसाद कुर्मीको सभापतित्वामा सम्पन्न भएको थियो । कार्यक्रममा पूर्व एसएसपी सदान्न्द कुर्मी, डाक्टर वकिल मियाँ , ललन दुबेदीलगायतले शुभकामना ब्यक्त गरे
Comments are closed.