प्रदेश स्तरिय क्रीकेट प्रतियोगिता चन्द्रपुरमा भईरहेको पहिलो खेलमा पर्सा बिजय
रौतहट ५ मंसिर ।
स्वर्गिय सन्तदास कार्की दासबावु तथा स्वर्गिय रामकुमार कोईरालाको स्मृतीमा प्रदेश नम्वर २ स्तरीय टी २० नकआउट क्रिकेट प्रतियोगिता रौतहटमा शुरु भएको छ । पहिलो खेल पर्सा र धनुषा बीच भएको छ । उद्घाटन खेलमा पर्सा ३ बिकेटले बिजयी भएको छ । धनुषले १०८ रनको टार्गेट दिएको थियो । पर्साका सुरज पटेलले ३४ वलमा ३५ रन लिएका छन । उनले ५ चौका प्रहार गरेका थिए ।
उनी उत्कृष्ट खेलाडी समेत घोषण भएका छन । बिहिवार देखी शुरु भएको प्रतियोगिताको उद्घाटन प्रदेश सभा सदस्य धनलाल ठोकर र नेकपा रौतहटका जिल्ला ईन्चार्ज युवराज भट्टराई समिरले सयुक्तरुपमा गरेका छन । चन्दपुर लाइ बिभिन्न क्षेत्रमा महत्वपुर्ण योगदान दिने कार्की र कोइरालाको सम्मान र उनीहरुको योगदानको स्मरण गर्दै प्रतियोगिताको आयोजना गरीएको मुल समितिका संयोजक देवराज कार्कीले बताएका छन ।
उक्त प्रतियोगितामा पर्सा, धनुषा, महोतरी, सर्लाही, रौतहट, सिराहा, बारा र सप्तरी जिल्लका टिमहरु सहभागी हुने छन । मंसिर ६ गते रौतहट र सिराहा, ७ गते सर्लाही र महोतरी, ८ गते बारा र सप्तरी बिच हुने छ । सेमिफाईनल ९ र १० गते हुने र फाईनल खेल मंसिर १२ गते हुने छ ।
चन्द्रपुर ६ मा रहेको स्वर्गिय शेर बहादुर दर्लामी खेल मैदानमा खेल शुरु भएको छ । उद्घाटन कार्याक्रममा अखिल नेपाल फुटवल संघका प्रदेश २ संयोजक नेपाल कार्कीले स्वागत मन्तव्य राख्नु भएको थियो । कार्यक्रममा खेल प्रेमीहरुको उपस्थिती रहेको थियो ।
